Rheoli Busnes gyda’r Gymraeg - BSc (Hons)

Ar ein rhaglen (BSc) Rheoli Busnes gyda’r Gymraeg, byddwch yn archwilio'r ffyrdd amrywiol y mae sefydliadau'n ymateb i ofynion busnes cyfoes sy'n newid yn gyflym.  Mae ein pwyslais ar reoli cynaliadwy, ynghyd â'r egwyddorion busnes craidd sy'n bwysig i ddiwydiant byd-eang, yn golygu y byddwch wedi'ch paratoi'n dda i arwain sefydliadau'n llwyddiannus mewn byd sy'n fwyfwy cymhleth, digidol, a chydgysylltiedig. Wrth astudio’r Gymraeg byddwch yn meithrin sgiliau Cymraeg lefel uchel, ynghyd â dealltwriaeth drylwyr o’i lle yn y Gymru gyfoes.   Yn ogystal â sgiliau allweddol o ran rheoli, cyfrifyddu a marchnata, byddwch hefyd yn magu’r sgiliau gwneud penderfyniadau amhrisiadwy y mae eu hangen ar gyfer arfarnu, datblygu, gweithredu a gwerthuso gweithrediadau effeithiol. Byddwch yn meithrin y feddylfryd entrepreneuraidd sy’n ofynnol i fynd i'r afael â heriau cymdeithasol ac amgylcheddol, yn ogystal â sgiliau a galluoedd personol proffesiynol hanfodol.  Drwy ein partneriaethau â’r diwydiant, byddwch chi’n gallu ymgysylltu â heriau busnes yn y byd go iawn, gweithgareddau a arweinir gan gyflogwyr a phrosiectau cymhwysol i gysylltu eich dysgu ag arferion cyfredol y diwydiant.   Drwy fodiwlau dewisol, byddwch yn teilwra'ch gradd i'ch diddordeb unigol a'ch uchelgais gyrfa. Mae yna gyfleoedd ar gyfer lleoliadau gwaith diwydiannol ac astudio dramor i gefnogi eich datblygiad personol a phroffesiynol.   Byddwch yn graddio o'r rhaglen yn barod i ffynnu ym myd busnes, gyda'r sgiliau y mae arnoch eu hangen ar gyfer arweinyddiaeth hyderus a strategol i sicrhau llwyddiant cynaliadwy. Byddwch hefyd wedi'ch paratoi'n dda ar gyfer astudiaeth ôl-raddedig.  Nodweddion unigryw’r rhaglen   Ein harbenigwyr ni, eich athrawon chi  Dysgwch gan gyfadran o academyddion o'r radd flaenaf yn ein hysgol fywiog a chynhwysol   Canolbwyntio ar gyflogadwyedd  Datblygwch sgiliau parod ar gyfer gyrfa mewn rheoli, marchnata a chadwyni cyflenwi drwy ddysgu ymarferol.  Yn gysylltiedig â diwydiant  Manteisiwch ar brofiadau o’r byd go iawn drwy ddarlithoedd gan arbenigwyr yn y diwydiant, lleoliadau gwaith, a chyfleoedd astudio byd-eang.  Cyfrifol, moesegol, a chynaliadwy  Datblygwch eich meddylfryd moesegol a'ch ymwybyddiaeth o gyfrifoldeb cymdeithasol yn barod i ddod yn arweinydd busnes.   Cyfuniad unigryw o fusnes a’r Gymraeg  Dewch i wella eich dealltwriaeth o'r Gymraeg a diwylliant Cymru yng nghyd-destun rheoli busnes.