text.skipToContent text.skipToNavigation
Language: ភាសា:
Call us: 023 222 325 | WhatsApp: 0776 67122

ការស្នាក់នៅ

ការស្វែងរកផ្ទះថ្មីរបស់អ្នក

អ្នកមានជម្រើសសំខាន់បួននៅពេលស្វែងរកកន្លែងស្នាក់នៅក្នុងអំឡុងពេលសិក្សានៅចក្រភពអង់គ្លេស។

យោងទៅតាមតម្រូវការ និងកញ្ចប់ថវិការបស់អ្នក អ្នកអាចជ្រើសរើសការជួលផ្ទះល្វែង ការស្នាក់នៅនឹងសាលា ការនៅនឹងសាលលំនៅដ្ឋានឯកជន ឬរស់នៅជាមួយគ្រួសារអង់គ្លេសតែម្តង។ អ្នកប្រហែលជាត្រូវស្វែងរកកន្លែងស្នាក់នៅរយៈពេលខ្លីដូចជាសណ្ឋាគារ ឬកន្លែងស្នាក់សម្រាប់សិស្សនិស្សិត នៅពេលអ្នកទៅដល់ចក្រភពអង់គ្លេសភ្លាមៗ។

ការរស់នៅក្នុងបរិវេណ ដែលជាកម្មសិទ្ធិរបស់សាលា ឬសាកលវិទ្យាល័យផ្ទាល់អាចផ្តល់ភាពងាយស្រួល ព្រោះអ្នកមិនចាំបាច់ធ្វើដំណើរឆ្ងាយ ហើយវាជាវិធីដ៏ល្អដើម្បីបង្កើតមិត្តភក្តិថ្មី។ សាលលំនៅដ្ឋានឯកជនជាទូទៅគឺជាបន្ទប់សិក្សាដែលមានការរៀបចំជាផ្ទះល្វែង ដោយមានផ្ទះបាយ និងបន្ទប់ទទួលភ្ញៀវរួមគ្នា ហើយសាលលំនៅដ្ឋាននេះគឺមានទីតាំងនៅជិត ទីក្រុង ឬនៅជិតសាកលវិទ្យាល័យតែម្តង។

ការជួលកន្លែងស្នាក់នៅផ្តល់ភាពឯកជនដល់អ្នក ប្រសិនបើអ្នករស់នៅម្នាក់ឯង ហើយប្រសិនបើអ្នករស់នៅជាមួយមិត្តភក្តិ គេនឹងជួយចេញថ្លៃស្នាក់នៅទាំងអស់គ្នា។ ការស្នាក់អាស្រ័យជាមួយអង់គ្លេស ជាម្ចាស់ផ្ទះអាចជាជម្រើសដ៏ល្អមួយដែរប្រសិនបើអ្នកមានវ័យក្មេង ព្រោះអ្នកនឹងទទួលបានភាពងាយស្រួលក្នុងការរស់នៅជាមួយបរិយាកាសរស់នៅជាលក្ខណៈគ្រួសារអង់គ្លេសផ្ទាល់ ។

មិនថាជម្រើសណាមួយដែលអ្នកនឹងជ្រើសរើសនោះទេ អ្នកគួរតែចងចាំថា៖

  • តើអ្នកចង់បានការចំណាយប៉ុន្មាក្នុងការស្នាក់នៅទីនោះ ដោយមិនត្រូវភ្លេចបញ្ចូលការចំណាយបន្ថែមដូចជាថ្លៃកក់សម្រាប់ជួលស្នាក់នៅ ឬវិក្កយប័ត្រអគ្គិសនី ឬទឹកជាដើម។
  • តើអ្នកចង់រស់នៅឆ្ងាយពីសាលា ឬសាកលវិទ្យាល័យប៉ុណ្ណា និងភាពងាយស្រួលក្នុងការធ្វើដំណើរពីផ្ទះទៅសាលា ។
  • តើទីតាំងណាទៀតដែលអ្នកចង់រស់នៅជិតអ ដែលទីតាំងនោះមានដូចជាផ្សារទំនើប ភោជនីយដ្ឋាន និងទីតាំងផ្តល់សេវាសុខភាពជាដើម។
  • មានជម្រើសស្នាក់នៅខុសគ្នាជាច្រើនសម្រាប់អ្នក ដើម្បីពិចារណាពេលអ្នកមកសិក្សានៅអង់គ្លេស ទីក្រុងវេល ស្កុតឡេន និងអៀរឡង់ខាងជើង។ ជម្រើសទូទៅទាំងនោះមានដូចជា៖
  • កន្លែងស្នាក់នៅដែលគ្រប់គ្រងដោយសាលា ឬសាកលវិទ្យាល័យ
  • សាលលំនៅដ្ឋានឯកជន
  • កន្លែងស្នាក់នៅឯកជន
  • កន្លែងស្នាក់អាស្រ័យជាមួយម្ចាស់ផ្ទះដែលជាជនជាតិអង់គ្លេស
  • កន្លែងស្នាក់នៅរយៈពេលខ្លីនានា

សាលលំនៅដ្ឋាន

(កន្លែងស្នាក់នៅដែលគ្រប់គ្រងដោយសាលារៀន ឬសាកលវិទ្យាល័យរបស់អ្នក)

អ្នកអាចត្រូវបានគេផ្តល់កន្លែងស្នាក់នៅក្នុងសាល លំនៅដ្ឋានដែលនៅទីនោះអ្នកនឹងទទួលបានបន្ទប់គេងផ្ទាល់ខ្លួន  ប៉ុន្តែអ្នកត្រូវប្រើប្រាស់ផ្ទះបាយរួមជាមួយសិស្ស និស្សិតដទៃទៀត។ ការស្នាក់នៅប្រភេទនេះអាចជាវិធីដ៏អស្ចារ្យមួយ ក្នុងការបង្កើតមិត្តនិងជួយសន្សំទៅលើការចណាយរបស់សិស្ស និស្សិតបានច្រើន។ សាលលំនៅដ្ឋានភាគច្រើន ត្រូវបានគ្រប់គ្រងនិងកាន់កាប់ដោយសាលា ឬសាកលវិទ្យាល័យផ្ទាល់ ប៉ុន្តែខ្លះទៀតត្រូវបានគ្រប់គ្រងដោយក្រុមហ៊ុនឯកជន។ សាលលំនៅដ្ឋានជាធម្មតាមានបុគ្គលិកដែលពួកគាត់រស់នៅក្នុងបរិវេណសាលាតែម្តង។ ពួកគាត់នៅទីនោះដើម្បីមើលថែរក្សាសាលលំនៅដ្ឋាននិងដើម្បីផ្តល់ដំបូន្មានឬការគាំទ្រទៅកាន់សិស្ស និស្សិតក្នុងករណីណាមួយ ។

សាលលំនៅដ្ឋានឯកជន

សាលលំនៅដ្ឋានឯកជនជាធម្មតា ជាបន្ទប់សម្រាប់គេងនិងសិក្សាដែលបានរៀបចំឡើងនៅក្នុងផ្ទះល្វែងដែលមានផ្ទះបាយនិងបន្ទប់ទទួលភ្ញៀវរួមគ្នា។ សាលលំនៅដ្ឋានឯកជនទាំងអស់នេះ មានសុវត្ថិភាពដែលអនុញ្ញាតអោយសិស្សនិសិ្សតអាចសិក្សា និងទំនាក់ទំនងជាមួយសង្គមបានប្រកបដោយភាពកក់ក្ដៅ។ ជាទូទៅ សាលលំនៅដ្ឋានឯកជនទាំងអស់នេះមានទីតាំងនៅជិតទីក្រុង ឬសាកលវិទ្យាល័យ ហើយមានបំពាក់ដោយសម្ភារៈទំនើបជាច្រើនដែលអ្នកត្រូវការ រួមមានទាំង WIFI និងមានបញ្ចូលនូវវិក័យប័ត្រផ្សេងៗ ការធានារ៉ាប់រង កន្លែងសិក្សានិងតំបន់សម្រាប់ប្រាស្រ័យទាក់ទងផ្សេងៗ ជាដើម។

កន្លែងស្នាក់នៅឯកជន

សិស្ស និស្សិតដែលទៅបន្តការសិក្សានៅចក្រភពអង់គ្លេសជាច្រើន បានធ្វើការរស់នៅកន្លែងស្នាក់នៅឯកជន ដែលនេះជា ជម្រើសពេញនិយមជាពិសេសសម្រាប់សិស្ស និស្សិតដែលកំពុងសិក្សានៅក្នុងឆ្នាំទីពីរនៃការសិក្សារបស់ពួកគេ និងឆ្នាំបន្ទាប់ៗទៀត។ សិស្ស និស្សិត អាចជួលកន្លែងដោយខ្លួនឯង ឬចែករំលែកជាមួយសិស្សនិស្សិតដទៃទៀតក៏បាន។ ការចែករំលែកកន្លែងរស់នៅជាមួយគ្នាគឺ ជារឿងធម្មតាសម្រាប់សិស្ស និស្សិតនៅចក្រភពអង់គ្លេស វាអាចជួយកាត់បន្ថយការចំណាយ និងអាចមានភាពសប្បាយរីករាយដែលអ្នកអាចនឹងចូលចិត្ត។ ប្រសិនបើមានគំរោងជួលផ្ទះ សិស្សនិសិ្សតគួរតែគិតអំពីការចំណាយលើសេវាកម្មអគ្គិសនី និងទូរទស្សន៍ជាដើម។ កន្លែងស្នាក់នៅរបស់សិស្សនិស្សិតភាគច្រើនត្រូវបានបំពាក់ដោយគ្រឿងសង្ហារឹមរួចជាស្រេចហើយ ប៉ុន្តែអ្នកប្រហែលជាត្រូវទិញរបស់របរ ដូចជាសម្ភារៈផ្ទះបាយ និងពូកសម្រាប់គេង។ ភ្នាក់ងារអចលនទ្រព្យជាទូទៅត្រូវការកំណត់អត្តសញ្ញាណឯកសារ និងប្រាក់បញ្ញើយ៉ាងច្រើនដែលជាផ្នែកមួយនៃដំណើរការដាក់ពាក្យស្នើសុំស្នាក់នៅកន្លែងស្នាក់នៅឯកជន។ អចលនទ្រព្យដែលជួលដោយឯកជនជាធម្មតាតម្រូវឱ្យមានកិច្ចសន្យាជួលត្រឹមត្រូវ។

កន្លែងស្នាក់អាស្រ័យជាមួយម្ចាស់ផ្ទះជាជនជាតិអង់គ្លេស

ផ្ទះស្នាក់នៅជាមួយគ្រួសារជនជាតិអង់គ្លេស គឺជាកន្លែងដែលសិស្សរស់នៅជាមួយគ្រួសារជនជាតិអង់គ្លេសនៅក្នុងផ្ទះរបស់ពួកគេផ្ទាល់។ ការស្នាក់អាស្រ័យប្រភេទនេះ គឺមានប្រជាប្រិយភាពណាស់ជាពិសេសសម្រាប់សិស្ស និស្សិតទៅរៀនភាសាអង់គ្លេស និងសិស្សដែលមានវ័យក្មេងៗ។ ការរស់នៅរបៀបនេះអាចជាឱកាសដ៏ល្អដើម្បីទទួលបានបទពិសោធន៍វប្បធម៌អង់គ្លេសពេលដំបូងៗ។ សូមធ្វើការប្រឹក្សាជាមួយអ្នកជំនាញផ្តល់ប្រឹក្សាការសិក្សានៅបរទេស IDP របស់អ្នកដើម្បីស្វែងយល់បន្ថែម។

កន្លែងស្នាក់នៅរយៈពេលខ្លី

នៅពេលអ្នកទៅដល់ចក្រភពអង់គ្លេសដំបូង ឬបើអ្នកមានគ្រួសារ ឬមិត្តភក្តិដែលទៅលេងនៅចក្រភពអង់គ្លេស អ្នកប្រហែលជាត្រូវស្វែងរកកន្លែងស្នាក់នៅរយៈពេលខ្លីសម្រាប់ស្នាក់អាស្រ័យរយៈពេលខ្លី។ សណ្ឋាគារ ផ្ទះសំណាក់ និង ‘bed and breakfasts’ (B&Bs) អាចជួនកាលមានតំលៃថ្លៃ ប៉ុន្តែគេអាចការបញ្ចុះតម្លៃខ្លះបើអ្នកធ្វើការកក់តាមអ៊ីនធឺណិត។ កន្លែងស្នាក់នៅសម្រាប់យុវវ័យ និងសណ្ឋាគារសម្រាប់អ្នកដំណើរកម្សាន្តសាក់កាដូតែងតែជាជម្រើសមួយដែលមានតម្លៃទាបហើយយើងអាចរកជួលសណ្ឋាគារ និងកន្លែងស្នាក់នៅទាំងនេះបានតាមអនឡាញ ឬគ្រឹះស្ថានអប់រំរបស់អ្នកអាចនឹងផ្តល់ការណែនាំកន្លែងស្នាក់នៅ និងសណ្ឋាគារទាំងនោះនៅក្នុងតំបន់ ដើម្បីឲ្យអ្នកជួល។

ប្រសិនបើអ្នកត្រូវការជំនួយក្នុងការស្វែងរកកន្លែងស្នាក់នៅនៅចក្រភពអង់គ្លេស សូមទាក់ទងការិយាល័យលំនៅដ្ឋាន ឬសេវាកម្មសិស្សនិស្សិតរបស់សាកលវិទ្យាល័យរបស់អ្នក។

សូមជ្រើសរើសកម្រិតការសិក្សា

បញ្ចូលប្រធានបទមួយហើយជ្រើសពីបញ្ជី

  • វាយបញ្ចូល 3 តួអក្សរនៃឈ្មោះប្រធានបទហើយជ្រើសពីបញ្ជី

  • បញ្ចូលឈ្មោះវគ្គសិក្សាហើយជ្រើសពីបញ្ជី

សូមវាយនិងជ្រើសរើសស្ថាប័ន

  • វាយបញ្ចូល 3 តួអក្សរនៃឈ្មោះសកលវិទ្យាល័យហើយជ្រើសរើសពីបញ្ជី

  • បញ្ចូលឈ្មោះសកលវិទ្យាល័យ ឈ្មោះសាលារៀនហើយជ្រើសរើសពីបញ្ជី