ធ្វើការនៅប្រទេសកាណាដាបន្ទាប់ពីបញ្ចប់ការសិក្សារបស់អ្នក - តើអ្នកគួរធ្វើយ៉ាងណាដែរ?​

ផ្ទុយពីប្រទេសមួយចំនួនដែលមិនអនុញ្ញាតឲ្យនិស្សិតធ្វើការនៅពេលកំពុងសិក្សា ប្រទេសកាណាដាជាប្រទេសមួយក្នុងចំណោមប្រទេសជាច្រើនដែលអនុញ្ញាតឲ្យសិស្សានុសិស្សធ្វើការនៅពេលកំពុងសិក្សា។

ការធ្វើការនិងសិក្សាក្នុងពេលតែមួយផ្តល់នូវអត្ថប្រយោជន៍ជាច្រើនចំពោះសិស្សដូចជាការទទួលបានថវិកាពីការធ្វើការប្រើប្រាស់ទៅលើលំនៅដ្ឋាន ការធ្វើដំណើរ និងចំណាយទៅលើការរស់នៅប្រចាំថ្ងៃ។

យោងទៅតាមការចំណាយទៅលើការរស់នៅប្រចាំថ្ងៃនៅប្រទេសកាណាដា ការធ្វើការដើម្បីទទួលបានចំណូលបន្ថែមជាអត្ថប្រយោជន៍សម្រាប់សិស្សានុសិស្ស។

លើសពីការទទួលបានចំណូលបន្ថែម ការធ្វើការក្រៅម៉ោងមានគុណសម្បតិ្តជាច្រើន។

សូមធ្វើអានបន្ត

អត្ថប្រយោជន៍ ៤ យ៉ាងពេលអ្នកធ្វើការនៅប្រទេសកាណាដា

១. ទទួលបានថវិការចំណាយទៅលើការសិក្សា

តើអ្នកដឹងទេថាប្រទេសកាណាដាជាប្រទេសទី ១៨ ដែលជាប្រទេសត្រូវការចំណាយច្រើនក្នុងការរស់នៅ?

ខណៈពេលដែលអ្នកខ្លះអាចមានលទ្ធភាពចំណាយលើការរស់នៅ និងទទួលបានថវិកាទៀងទាត់ពីអាណាព្យាបាលរបស់ពួកគេ ចំណែកឯសិស្សមួយចំនួនទៀតផ្គត់ផ្គង់ការរស់នៅរបស់គេខ្លួនឯង។

ដូច្នេះហើយ វាជារឿងដែលមិនគួរឲ្យចម្លែកដែលសិស្សានុសិស្សជាច្រើនធ្វើការក្រៅម៉ោង។

ក្រៅពីទទួលបានចំណូលសម្រាប់ប្រើប្រាស់ទៅលើការរស់នៅ ថ្លៃសិក្សា ការធ្វើការនៅពេលកំពុងសិក្សាបង្រៀនអ្នកឲ្យចេះគ្រប់គ្រងការចំណាយរបស់អ្នក។

នៅពេលដែលអ្នករកចំណូលដោយខ្លួនឯង អ្នកនឹងមានការប្រុងប្រយ័ត្នទៅលើការចំណាយប្រាក់ដែលអ្នករកបាននិងគ្រប់គ្រងថវិការបស់អ្នកដិតដល់។

២. បង្កើតបទពិសោធន៍ការងារ និងវប្បធម៌

ការធ្វើការក្រៅម៉ោងនៅគោលដៅសិក្សារបស់អ្នក គឺជាវិធីដ៏ល្អបំផុតមួយក្នុងការទទួលបានពិសោធន៍វប្បធម៌ និងការងារក្នុងពេលតែមួយ។

បែបនេះ អ្នកពិតជានឹងរៀនពីរបៀបរស់នៅដូចអ្នកមានកំណើតនៅទីនោះ ដោយរៀនពីទម្លាប់ ឬ វប្បធម៌ដែលអ្នករួមការងារ និងបានអនុវត្តជារៀងរាល់ថ្ងៃ។

ដោយសារការងារក្រៅម៉ោងកម្រិតនៃការចូលភាគច្រើនគឺមានការទំនាក់ទំនងជាមួយនឹងអតិថិជនកាន់ច្រើន អ្នកក៏នឹងទទួលមានឱកាសក្នុងការទាក់ទងជាមួយប្រជាពលរដ្ឋនៅទីនោះ បង្កើតមិត្តថ្មី ហើយថែមទាំងអាចរៀនឃ្លាមួយចំនួនជាភាសាកំណើតរបស់ពួកគេ។

ពិតប្រាកដណាស់ ការងារជាអ្នកធ្វើការនៅហាងកាហេ្វ ឫ ជាជំនួយការវាមិនមែនជាមុខរបរដែលអ្នកគិតពិចារណាក្រោយបញ្ចប់ការសិក្សានោះទេ។

ប៉ុន្តែអ្នកនឹងទទួលបានបទពិសោធន៍ដែលអ្នកអាចផ្ទេរបានជាមួយនឹងការងារថ្មីរបស់អ្នក។

៣. សមស្របជាមួយការហ្វឹកហាត់ការងាររបស់អ្នកនាពេលអនាគត

ការមានបទពិសោធការងារគឺស្រដៀងនឹងការមានជំនាញពិសេសមួយបន្ថែម។ ជាមួយនឹងជំនាញដែលអ្នកបានអភិវឌ្ឍនៅក្នុងការងារក្រៅម៉ោងរបស់អ្នក នោះអ្ន

បានឈានមួយជំហានទៅមុខ បើប្រៀបធៀបទៅនឹងមិត្តភ័ក្តិរបស់អ្នកដែលទើបតែចូលក្នុងការធ្វើការងារថ្មីបន្ទាប់ពីបញ្ចប់សាកលវិទ្យាល័យ។

នៅពេលដែលអ្នកដាក់ពាក្យធ្វើការនិងត្រូវបានគេត្រួតត្រាប្រវត្តិសង្ខេបរបស់អ្នក ឃើញដូច្នេះឱកាសទទួលបានការងាររបស់អ្នកនឹងកើនឡើង។

លើសពីនេះទៅទៀតអ្នកដែលទទួលអ្នកមកធ្វើការនឹងមានការចាប់អារម្មណ៍កាន់តែខ្លាំងចំពោះនិស្សិតសាកលវិទ្យាល័យដែលបានធ្វើការ និងសិក្សាក្នុងពេលតែមួយ

ដោយសារតែពួកគេមានសមត្ថភាពទាំងក្នុងការទំនួលខុសត្រូវ និងការគ្រប់គ្រងពេលវេលារបស់ពួកគេប្រកបដោយប្រសិទ្ធភាព។

ជាមួយនឹងបទពិសោធន៍ពីមុនរបស់អ្នក អ្នកនឹងមានបញ្ហាតិចតួចក្នុងការសម្របខ្លួនទៅនឹងជីវិតការងារ ហើយអ្នកបានដឹងរួចហើយអំពីការធ្វើការជាក្រុម។

៤. ការសម្របខ្លួនជាមួយបរិយាកាសថ្មី និងចាប់យកភាសាថ្មីបានលឿន

ការផ្លាស់ប្តូរកន្លែងនិងបរិយាកាសរស់នៅប្រទេសមួយផ្សេងពីប្រទេសកំណើតរបស់យើងដើម្បីបន្តការសិក្សាកាន់តែខ្ពស់វាជារឿងពិបាកមិនថាសម្រាប់អ្នកណា ជាពិសេសសិស្សានុសិស្សដែលធ្វើការសម្រេចចិត្តដោយខ្លួនឯង។

តាមរយៈការជួបចរចាប្រចាំថ្ងៃជាមួយ មិត្តរួមការងារ អតិថិជន ឬអតិថិជន សិស្សានុសិស្សអាចរកឃើញថា ការងារក្រៅម៉ោងអាចជួយឲ្យពួកគេស្គាល់ពីបរិយាកាសថ្មីរបស់ពួកគេកាន់តែងាយស្រួល។

បន្ថែមទៀត អ្នកអាចនឹងចាប់បានភាសានៅប្រទេសនោះលឿនជាងមុនទៀត។

លើសពីនេះទីទៀត ការមានការងារក្រៅម៉ោងអាចជួយដល់សិស្សដែលជួបប្រទះអារម្មណ៍ឯកោ និងនឹកផ្ទះ។

លក្ខណៈសម្រាប់ធ្វើការនៅ និងក្រៅបរិវេណសាលា

ខណៈពេលដែលប្រទេសកាណាដាអនុញ្ញាតឲ្យនិស្សិតអន្តរជាតិរបស់ខ្លួនធ្វើការនៅពេលពួកគេសិក្សា ប៉ុន្តែនៅតែមានលក្ខខណ្ឌខ្លះៗដែលត្រូវប្រកាន់ខ្ជាប់ចំពោះការងារទាំងក្នុងបរិវេណសាលា និងក្រៅបរិវេណសាលា។

១. ក្រៅបរិវេណសាលា ២០ ម៉ោងក្នុងមួយសប្តាហ៍

និស្សិតដែលធ្វើការក្រៅបរិវេណសាលាអាចចាប់ផ្តើមការងារបានលុះត្រាតែកម្មវិធីសិក្សារបស់ពួកគេបានចាប់ផ្តើម និងត្រូវមានលក្ខណៈដូចខាងក្រោម៖

• និស្សិតត្រូវតែសិក្សាពេញម៉ោងនៅស្ថាប័នសិក្សាដែលបានកំណត់ត្រឹមត្រូវ
• កម្មវិធីសិក្សារបស់សិស្សត្រូវតែមានរយៈពេលយ៉ាងតិចប្រាំមួយខែ ហើយនៅទទួលបានសញ្ញាបត្រ ឬវិញ្ញាបនបត្រដែលពាក់ព័ន្ធផ្សេងទៀត
• សិស្សត្រូវតែចុះឈ្មោះក្នុងកម្មវិធីក្រោយមធ្យមសិក្សា (សិក្សាវិជ្ជាជីវៈ)
• សិស្សត្រូវតែមានការធានារ៉ាប់រងត្រឹមត្រូវ

ចំពោះម៉ោងធ្វើការដែលត្រូវការសម្រាប់ធ្វើការក្រៅបរិវេណសាលាអាចធ្វើរហូតដល់ ២០ ម៉ោងក្នុងមួយសប្តាហ៍ ហើយត្រូវបានអនុញ្ញាតឲ្យធ្វើការលើសពី ១ ការងារ ដើម្បីបំពេញចំនួនម៉ោងអប្បបរមាដែលមានកំណត់។

២. ក្នុងបរិវេណសាលា គ្មានកំណត់

ដូចទៅនឹងធ្វើនៅក្រៅបរិវេណសាលាដែរ និស្សិតត្រូវចាប់ផ្តើមកម្មវិធីសិក្សារបស់ពួកគេផងដែរ ដើម្បីដាក់ពាក្យសុំការងារនៅបរិវេណសាលា។ ខាងក្រោមនេះជាតម្រូវការសិទ្ធិទទួលបាន៖

• និស្សិតត្រូវតែសិក្សាពេញម៉ោងនៅស្ថាប័នសិក្សាដែលបានកំណត់ត្រឹមត្រូវ
• នីស្សិតត្រូវតែមានលិខិតអនុញ្ញាតសិក្សាត្រឹមត្រូវ
• សិស្សត្រូវតែមានការធានារ៉ាប់រងត្រឹមត្រូវ

ខុសពីការធ្វើការក្រៅបរិវេណសាលា ចំនួនម៉ោងធ្វើការមិនមានកំណត់ទេសម្រាប់ការធ្វើការក្នុងបរិវេណសាលា តម្រូវទៅតាមលក្ខណៈរបស់វា។

អាស្រ័យទៅលើសាកលវិទ្យាល័យ និស្សិតអាចធ្វើការក្នុងបរិវេណសាលាមានសិទ្ធិធ្វើការក្រៅបរិវេណសាលាក្នុងពេលតែមួយ។

រៀបចំខ្លួនដើម្បីអនាគតរបស់អ្នកជាមួយ IDP

ពីដំណើរការដាក់ពាក្យក្នុងសាកលវិទ្យាល័យ ការណែនាំសម្រាប់ការស្នាក់នៅ និងត្រៀមខ្លួនសម្រាប់អជីវកម្មនាពេលអនាគតក្រោយឧត្តមសិក្សា IDP នឹងជួយណែនាំអ្នកតាមគ្រប់ជំហានទាំងអស់។

ជានឹងការផ្តល់ការណែនាំតាមតម្រូវពីការក្រុមអ្នកប្រឹក្សាផ្នែកអប់រំរបស់យើង សិស្សានុសិស្សអាចចាប់ផ្តើមដំណើរទៅសិក្សានៅក្រៅប្រទេសរបស់ពួកគេដោយទំនុកចិត្ត។

កំណត់វគ្គប្រឹក្សាដោយឥតគិតថ្លៃរបស់អ្នកនៅថ្ងៃនេះ។